A guía musical

🎸 QUE É UN RIFF? Un riff é unha pequena idea musical, normalmente interpretada pola guitarra eléctrica ou polo baixo, que se repite ao longo dunha canción. Pode estar formado por unhas poucas notas, un patrón rítmico ou unha combinación de ambos. Os riffs son unha das características máis recoñecibles do rock: moitas veces abonda con escoitar os primeiros segundos dunha canción para saber cal é. Algúns son graves e contundentes; outros, rápidos, melódicos ou pegadizos. Un riff pode abrir unha canción, acompañar a voz, crear tensión ou converterse no elemento musical que máis lembramos dela. A guitarra eléctrica, a amplificación e os efectos como a distorsión axudan a darlle o seu carácter.

🎵 Unha jota con personalidade propia Berrogüetto foi un grupo galego de música folk que naceu en 1995. A súa proposta musical combina a riqueza da tradición galega con novas harmonías, arranxos e sonoridades, creando unha música que mira ao pasado sen deixar de experimentar. Jota da Gheada forma parte de Navicularia , o primeiro álbum do grupo, publicado en 1996. Trátase dunha peza instrumental que toma como referencia a jota, unha das formas musicais e de baile máis estendidas na tradición popular galega.

Follas que caen, tardes máis curtas, vento, nostalxia e cambios na natureza... Como soa o outono? 🍂 🍁 🎼 🍁 🍂 🎧 Unha estación chea de música O outono transforma a paisaxe: as follas cambian de cor, chega a chuvia, sopra o vento e os días van perdendo horas de luz. Estes cambios tamén inspiraron a músicos e músicas de diferentes épocas e lugares. Algunhas composicións intentan representar o movemento das follas, o vento ou a forza dunha tormenta. Outras transmiten calma, melancolía, misterio ou a alegría dunha danza. E non todas soan igual: hai obras para piano, pezas para orquestra e composicións nas que os instrumentos dialogan entre si.

Unha viaxe musical entre a vendima, a festa, o descanso e a caza. 🍇 🍂 🎻 🍁 🌰 🎧 1. Coñecemos a Vivaldi e a súa música Antonio Vivaldi (1678-1741) foi un compositor e violinista italiano, nacido en Venecia. Foi unha das figuras máis importantes da música barroca. Era coñecido polo seu virtuosismo co violín e pola súa capacidade para crear melodías cheas de enerxía, ritmo e contrastes. Unha das súas obras máis coñecidas é As catro estacións , un conxunto de catro concertos para violín solista e orquestra: A primavera, O verán, O outono e O inverno . Cada concerto intenta representar musicalmente diferentes escenas e fenómenos propios dunha estación do ano. O outono está relacionado coa colleita e coa vendima: despois do traballo nos campos chega o momento de recoller os froitos, celebrar e descansar. Na música podemos imaxinar a festa da colleita,...

A MÚSICA E O MAGOSTO 🌰 🍂 🎶Unha tradición do outono🌰 🍂 🎶 Chega o outono e, con el, unha das celebracións máis populares de Galicia: o Magosto . As castañas asadas, o arrecendo da leña, as reunións arredor do lume, os xogos e as cancións forman parte dunha tradición que se transmite de xeración en xeración. Pero o Magosto é moito máis ca unha festa para comer castañas. É unha oportunidade para coñecer a nosa cultura, descubrir a importancia dos castiñeiros e dos soutos e recuperar cancións, refráns e costumes que forman parte da memoria colectiva galega.

  Cantigas galegas para cantar no Magosto Chega o outono, as castañas asadas e as ganas de xuntarnos para cantar! O Magosto é unha festa tradicional galega na que a música, os xogos, as castañas e a convivencia teñen un papel moi importante. Nesta selección atoparás sete cantigas para coñecer, escoitar e cantar en grupo. Hai cancións tradicionais, cancións populares e temas que xa forman parte da nosa memoria musical. Algunhas son alegres e festivas; outras cóntannos historias de animais, de mariñeiros, de viaxes e da nosa terra.

Unha canción de Mamá Cabra para o Magosto Chega o outono, caen as follas, aparecen as castañas e as ganas de cantar! Nesta época do ano temos unha chea de motivos para xuntarnos, xogar e gozar da música. Hoxe imos descubrir unha canción de Mamá Cabra , un grupo galego que nos achega á música infantil a través de melodías divertidas e propostas para cantar, bailar e participar. Prepara a voz, abre ben as orellas e segue o ritmo. Primeiro escoitaremos a canción; despois utilizaremos un musicograma e realizaremos diferentes actividades musicais. 🎤 🍂 🌰 Canta, escoita e participa! 🎵 1. Escoitamos a canción Comezamos escoitando a canción con atención. Podemos acompañala coas palmas, marcar o pulso cos pés e descubrir que partes nos resultan máis divertidas. 👀 2. Seguimos a música co musicograma Un mu...

🌰 🍂 🔔   Un recitado rítmico para celebrar o outono  🌰 🍂 🔔 Xa temos aquí o Magosto! E que mellor maneira de celebralo ca facendo música coa nosa voz e co noso ritmo? «Xa ven o Magosto» é un recitado rítmico divertido que expresa as ganas de celebrar esta festa e de comer castañas. Imos interpretalo en dous equipos, como se estivesemos nunha conversa musical!

⚰️ A MÚSICA CLÁSICA E A MORTE Marchas fúnebres, réquiems e despedidas O Samaín no só é para disfrazarse de monstros. o 1 de novembro tamén se celebra o Día de todos os defuntos. Nesta data lembrámonos dos seres queridos e coñecidos que xa non están con nós. 

🎃🎬 MÚSICA DE CINE E TELEVISIÓN: CANDO A MÚSICA DÁ MEDO 👻 A música pode facer que unha escena resulte misteriosa, terrorífica ou divertida. No cine e na televisión, os compositores empregan instrumentos, ritmos, silencios e sons sorprendentes para crear emocións e transportarnos a mundos fantásticos. Son as bandas sonoras.

  🎃 A MÚSICA CLÁSICA TAMÉN DÁ MEDO! 👻 Sabías que os compositores e as compositoras de música clásica tamén crearon melodías capaces de poñernos os pelos de punta? Con violíns arrepiantes, sons misteriosos, ritmos que aceleran e grandes contrastes de intensidade, a música pode levarnos a un mundo de esqueletos, bruxas, monstros e criaturas fantásticas. Nesta selección escoitaremos obras de distintas épocas e descubriremos como a música consegue transmitir medo, tensión, maxia e misterio. Tamén coñeceremos a música de mulleres compositoras.

  🎃 👻 🎸 POP, ROCK E MONSTROS Un Samaín ao ritmo da música moderna Coa chegada do Samaín e do Halloween, imos descubrir unha faceta misteriosa do Pop e do Rock.  Ao longo da historia, moitos músicos inspiráronse en monstros, pantasmas, zombis e outras criaturas fantásticas para crear cancións cheas de misterio, humor e terror ou mesmo para poñer nome as súas bandas musicais. Desde os clásicos internacionais ata o pop-rock en castelán, veremos como a música, as voces, os instrumentos e os ritmos poden transportarnos a un mundo monstruoso… e mesmo facernos bailar cos mortos!

Esta tétrica familia é moi coñecida polas súas películas. Nelas soa unha melodía mundialmente recoñecida.  Imos xogar con ela:

 Nesta lista de Youtube atoparás unha gran variedade de xogos musicais para realizar no Samaín: