A guía musical

  Unha das composicións máis famosas da música clásica é esta obra de Antonio Vivaldi. O compositor do barroco italiano compuso moitas pezas e tocaba o violín. As catro estacións é mundialmente coñecida. 

A Carolina é unha peza popular galega moi coñecida. De seguro que xa a coñeces pero imos aproveitala para escoitar diferentes versións, con distintos instrumentos e diferentes voces:

 O gato no saco é unha cantiga que o grupo A Roda fixo moi popular en toda Galicia pero que foi creada aquí ao lado en Vilariño, en Aldán.  Aquí podes coñecer a historia completa:

  A Muiñeira de Chantada é unha peza tradicional galega composta en 1865. A muiñeria é unha danza tradicional galega que se tocaba e bailaba esperando a que se moera o gran nos muiños. Nesta ocasión imos ver cantos instrumentos recoñecemos neste vídeo para falar de como se tocan e como soan sen esquecernos dos bailes e das roupas.

 Sabías que Galicia ao longo da historia variou no seu territorio? Hai uns poucos séculos o reino de Galicia collía parte de Portugal e Asturias. 

  A zanfona é un instrumento de orixe medieval pero que hoxe en día ten moito que dicir. Aquí poderás descubrir cousas deste instrumento e escoitar como é o seu son: 

    A danza de Meirol é unha composición de Berrogüetto, formación galega adicada a modernizar a música tradicional de Galicia.    Berrogüetto combinan, entre outros, instrumentos tradicionais como a gaita ou a zanfona con outros máis modernos como a batería ou o baixo eléctrico.