A guía musical

  Esta é unha recopilación dalgunhas das cancións que se traballan cos peques de Infantil:

 Unha folla de papel pode dar moito xogo na clase de música. Un folio pode ser un gran instrumento, non cres?  Mira estes vídeos e compróbao! Canción empregada: CLICK canción empregada: CLICK

 John Williams é un dos mais recoñecidos compositores de música para películas. Compuso, entre outras, a banda sonora de Supermán, Tiburón, E.T., Indiana Jones, Jurasic Park, ou Harry Potter.   En 1977 compuso a música que leva acompañando a saga de Star Wars ata hoxe en día.  Se queres aprender atocar estas melodías podes comezar con estas partituras adaptadas:   Aquí tes as melodías interpretadas por orquestras:

Esta é unha selección de vídeos que traballamos na aula e cos que podemos mellorar a nosa lectura musical e o ritmo:

  Esta é unha divertida selección de vídeos con cancións acompañadas de xogos cos dedos: cinco dediños teño man: Cinco ratiños: Gaspar:  Chaparrón:  Los animales buscan casa: Pon pon:  Un dedo: Varias:

  Aprendo Música é una web na que podes atopar un montón de divertidos xogos para practicar conceptos musicais ou aprender outros novos: Preme na imaxe para visitar a web:  

 Musication é unha canle de youtube na que podes atopar unha chea de musicogramas de cancións populares, tanto clásicas como modernas. Están montadas como se dun videoxogo se tratase e son moi divertidas para aprender conceptos musicais.  Estes son exemplos que xa traballamos na aula: Tamén ten adaptacións con notas para xilófonos ou con boom shakers coa notación en inglés. Podes ver máis vídeos na súa cale de youtube:    https://www.youtube.com/user/derjanson

  Line rider é un videoxogo de construcción e estratexia que se fixo moi popular sobre todo por que os seus usuarios colgan en youtube moitas adaptacións de partidas acompañadas con cancións famosas. Pode ser un gran recurso para aprender música posto que nos permite achegarnos á música clásica e popular dende outro punto de vista. Vótalle un ollo as súas posibilidades con estes exemplos: E velaquí o xogo, por se te animas a construír a túa propia línea de acompañamento. Preme na imaxe:

  Imos facer o xogo rítmico vocal que nos propón Miguel Cumilla na súa canle.  Primeiro faise coa voz, despois con voz e percusión e para rematar só coa percusión, sen voz. Para facilitarnos a súa realización podemos empregar esta ficha:  

Para escribir e ler a música úsanse figuras que se colocan no pentagrama. A figura que imos ver hoxe chámase corchea. A corchea dura medio pulso, o que quere dicir que con cada latexo da música debemos dar dous golpes ou dicir dúas sílabas. Estes golpes ou sílabas duran xusto a metade do tempo que dura un pulso. O silencio que dura igual que a corchea chámase silencio de corchea. Silencio de corchea Imos practicar as corcheas e coñecelas mellor coas seguintes fichas de cocomusic.es :   Agora imos interpretar corcheas acompañando a música con estes vídeos. Como verás poder dicir as corcheas coas sílabas TITI ou con palabras de dúas sílabas como CASA:   Co seguinte xogo verás se as entendiche ben. A ver se adiviñas cal dos exemplos é o que soa:

Para escribir e ler a música úsanse figuras que se colocan no pentagrama. A figura que imos ver hoxe chámase negra.  A negra dura un pulso, o que quere dicir que con cada latexo da música debemos dar un golpe ou dicir unha sílaba. O silencio que dura igual que a negra chámase silencio de negra. Para practicar e coñecelas mellor podemos realizar as seguintes fichas de cocomusic.es : Tamén podes practicar como se interpretan musicalmente cos seguintes vídeos. Como veredes podemos sustituír a negra por unha palabra dunha soa sílaba, como por exemplo TA ou PAN:     

A Marcha do Coronel Bogey é unha marcha composta en 1914 polo teniente F.J Ricketts (1881-1945), o director da banda musical do exército británico.  As marchas son composicións que acompañan aos soldados cando desfilan.    A marcha do coronel Bogey fíxose famosa por aparecer na película "A ponte sobre o río Kwai" sobre a 2º Guerra Mundial. Imos aproveitar esta composición para practicar a negra e o silencio de negra. Mira como facelo no seguinte vídeo: Podemos aproveitar para analizar a estructura da composición. Para isto propóñovos xuntarvos en grupos de catro.    Partindo da seguinte ficha, recortaremos o título e as letras para ordenalas e conseguir ter a estructura correcta: Despois de ter a estructura correcta, iremos colocando os instrumentos principais de cada parte. O resultado debería ser algo parecido a isto: Agora xa podes ver a unha orquestra completa interpretando a peza:  O utras ideas para traballar  con este tema poden ser:

Letkiss é unha composición de Hugo Strasser, un músico alemán que obtivo un gran prestixio na música swin e no jazz.  Roberto Delgado e a súa orquestra fixeron unha versión un pouco máis actual do tema:  Musicograma: Podes acompañar a composición de Letkiss seguindo estes vídeos: Con pelota: Con vasos: Con zapatos: Percusións: Con movemento: Percusión corporal: Outros:

Wishi ta Tuia é unha antiga canción dos indios nativos americanos. Pode ser acompañada con xestos e con bailes e é moi divertida. Aquí uns exemplos de como traballala na aula: Esta é unha versión da música un pouco máis cercana á  orixinal https://www.youtube.com/watch?v=77uuxwqIHxA

  Aprende a percusión para acompañar esta canción de ritmo funk. E se te atreves tamén podes aprender os pases de baile! versión 1 versión 2